বন্ধু সকল মানৱ জীৱনত শিক্ষাৰ উদ্দেশ্য বহু গুৰুত্বপূর্ণ কাৰণ উদ্দেশ্য বিহিন জীৱন এটা জীয়াই থকাটো সকলোৰে বাবে সম্ভৱ নহয় । এই ক্ষেত্রত মানুহক জীৱনত উদ্দেশ্য বিচৰি লোৱাত শিক্ষাই এক গুৰুত্বপূর্ণ ভূমিকা গ্রহণ কৰে ৷ সেয়েহে এই প্রবন্ধটোত মানৱ জীৱনত শিক্ষাৰ উদ্দেশ্যৰ বিষয়ে আলোচনা কৰিব বিচাৰিচো ৷
মানৱ জীৱনত শিক্ষাৰ উদ্দেশ্য
শিক্ষা হৈছে মানৱ জীৱনৰ আটাইতকৈ সুন্দৰ আৰু মূল্যৱান প্রণালী যিটো মানুহে বিভিন্ন সৌজনতাৰে লাভ কৰিব পাৰে। ই মানুহৰ লগত জন্মৰ পৰা মৃত্যুলৈকে আজীৱন সাঙুৰ খাই থাকে। শিক্ষা গ্রহণৰ দ্বাৰা মানুহৰ জীৱনৰ সকলো ক্ষেত্ৰতে নিখুঁততা লাভ কৰিব পৰা যায়। শিক্ষা সীমিত নহয়; ই চিৰ যুগমীয়া। ই মানুহৰ ব্যক্তিগত শিক্ষাৰ পৰা আৰম্ভ কৰি সামাজিক শিক্ষা গ্রহণলৈকে বিস্তৃত হৈ থাকে। বহুক্ষেত্ৰত আমি ধৰি ল’ব পাৰো যে যেতিয়া এজন ব্যক্তি শিক্ষিত হয় তেতিয়া তেওঁ সমাজ গঠনত এক মূল্যৱান অৱদান আগবঢ়ায়। শিক্ষা সমাজৰ এক মেৰুদণ্ড, য'ত ই ব্যক্তিক শিক্ষিত ক শিক্ষা ৰে আৰু মানৱ সমাজক সঠিক দিশত বিকাশ লাভ কৰাত অৰিহণা যোগায়।
মোৰ মতে "শিক্ষা জন্মৰ পৰা মানৱ জীৱনৰ প্ৰিয় বন্ধু হৈ পৰে আৰু মৃত্যুৰ সময়লৈকে ই মানুহৰ লগত আজীৱন সংগী হৈ থাকে"। ঠিক যেনেকৈ এজন ভাল বন্ধুৱে আমাৰ জীৱনত ভাল প্ৰভাৱ পেলায়। ঠিক সেইদৰে শিক্ষাই আমাৰ জীৱনলৈও বিশেষ অৱদান আগবঢ়ায়। পঢ়াটো শিক্ষাৰ এক অৱস্থা যাৰ বাবে ই আমাক যিকোনো কাম কৰাৰ বাবে সাহস প্রদান কৰে।
এজন ব্যক্তিৰ সামগ্রীক ব্যক্তিত্ব আৰু যোগ্যতা গঢ়ি তোলাত শিক্ষা হৈছে এক মূল্যৱান উপাদান। সেয়েহে শিক্ষাৰ উদ্দেশ্য জনাটো প্ৰতিজন মানুহৰ বাবে অতি প্ৰয়োজনীয়; ই এজন ব্যক্তিৰ বিকাশত আৰু ব্যক্তিজনৰ প্ৰকৃত মানৱভাব চেতনা বিচাৰি উলিওৱা আৰু জীৱনৰ লক্ষ্য পূৰণ কৰাত অৰিহণা যোগায়। অর্থাৎ ইয়াৰ সহায়ত এজন ব্যক্তিয়ে নিজৰ জীৱনৰ উদ্দেশ্য বিচাৰি পায়, তাৰ বিষয়ে জানিব পাৰে আৰু সেই উদ্দেশ্যত কাম কৰি সফলতা লাভ কৰিব পাৰে।
- ব্যক্তিগত, সামাজিক, অৰ্থনৈতিক, আধ্যাত্মিক, বৌদ্ধিক ইত্যাদি বিভিন্ন দিশত শিক্ষাই মানৱ বিকাশত সহায় কৰে।
- মানৱ জীৱনত প্ৰয়োজনীয় জ্ঞান আৰু দক্ষতা আহৰণ কৰাটোৱেই হৈছে শিক্ষাৰ মূল উদ্দেশ্য।
- শিক্ষাই সমাজত আমাৰ সামাজিক আৰু আন্তঃব্যক্তিগত যোগাযোগ দক্ষতাৰ ওপৰত আমাৰ আত্মবিশ্বাস বৃদ্ধি কৰাত সহায় কৰে।
- শিক্ষাই আমাক আমাৰ কেৰিয়াৰ আৰু ভাগ্য গঠন কৰাত অৰিহণা যোগায়।
- শিক্ষাৰ প্ৰাথমিক উদ্দেশ্য হৈছে মানুহৰ মনটোৰ লগতে শিশুৰ মনটোৰ বিকাশ আৰু ভৱিষ্যত জীৱনৰ বাবে তেওঁলোকক প্ৰশিক্ষণ দিয়া।
- শিক্ষাৰ ভূমিকা হ'ল আমাৰ জীৱন উন্নত কৰা আৰু আমাৰ জ্ঞান ব্যৱহাৰ কৰি আনৰ জীৱন উন্নত কৰাত সহায় কৰা।
- শিক্ষাই ব্যক্তিৰ চিন্তাৰ ক্ষমতা বৃদ্ধি কৰিব পাৰে আৰু লগতে তেওঁৰ চিন্তাধাৰাও সলনি কৰিব পাৰে, সঠিক কি সেইটো মূল্যায়ন কৰিব পাৰে, আৰু সঠিক সিদ্ধান্তত উপনীত হ’বলৈ আৰু যুক্তিসংগতভাৱে যুক্তি দিবলৈ শিক্ষিত কৰিব পাৰে।
- মানুহৰ মনৰ পৰা অজ্ঞানতা আঁতৰাই অ-প্রয়োজনীয় চিন্তাৰ ওপৰত নিয়ন্ত্ৰণ কৰি আমাক অধিক জ্ঞানী, নৈতিক, সভ্য অৱস্থালৈ ৰূপান্তৰিত কৰাটোৱেই শিক্ষাৰ উদ্দেশ্য।
- শিক্ষাই আমাৰ যুক্তিৰ, শুদ্ধ-অনুচিত বিচাৰ কৰাৰ, অন্ধবিশ্বাসক নাশ কৰাৰ, জীৱনত সপোন দেখা আৰু সেই সপোনবোৰ পূৰণ কৰাৰ, সমাজত এক মান্য জীৱন যাপন কৰাৰ ইচ্ছাক শক্তিশালী কৰে।
- শিক্ষাই মানুহক নৈতিক, আধ্যাত্মিক, বৌদ্ধিক, মূল্যবোধ, আৰু দক্ষতা বিকাশ কৰাত সহায় কৰে ৷
- এখন সমাজত শিক্ষাই মানুহক উন্নত মানৰ জীৱনৰ যুঁজত অধিক সক্ৰিয় হ’বলৈ সহায় কৰে। ই আমাক আমাৰ চৌপাশৰ জগতখনৰ সৈতে পৰিচয় কৰাই দিয়ে।
- শিক্ষাই ব্যক্তিক ভাল নাগৰিক হোৱাত সহায় কৰিব পাৰে। ই মানুহক নিজৰ আগ্ৰহৰ বাহিৰত চিন্তা কৰিবলৈ শিকাই আৰু সমাজলৈ কিবা এটা ঘূৰাই দিবলৈ আগ্ৰহী কৰি তোলে; আৰু ভৱিষ্যত প্ৰজন্মৰ বাবে কঢ়িয়াই লৈ ফুৰি পৃথিৱীখনক এখন বহনক্ষম, সুখী, নিৰাপদ স্থান হিচাপে গঢ়ি তোলাত সহায় কৰে।
- শিক্ষা প্ৰদান কৰি দৰিদ্ৰতা দূৰ কৰিব পাৰি। যেনে, এজন অশিক্ষিত ব্যক্তিক তেওঁৰ আগ্ৰহৰ বিষয়টোৰ ওপৰত উপযুক্ত শিক্ষা দিব লাগে। যাতে তেওঁ বিষয়টোত পাকৈত হৈ কোনো কোম্পানী বা সংস্থাত কাম কৰি নিজৰ লগতে পৰিয়াল পোহপাল দিব পাৰে।
- শিক্ষাই পুৰণি জ্ঞানৰ উদ্ভাৱন আৰু জীৱনৰ সমস্যাৰ সমাধান বিচাৰি উলিওৱাত সহায় কৰে। যেনে, আমাৰ শিক্ষা এক দীৰ্ঘদিনীয়া শিক্ষা। আজিকালি প্ৰযুক্তিৰ ব্যৱহাৰৰ ফলত এক নতুন পদ্ধতিৰ আৱিষ্কাৰ হৈছে যিয়ে আমাক শিক্ষণত অধিক সুখী কৰি তুলিছে।
সামৰণি
উক্ত কথাখিনিৰ পৰা অনুমান কৰিব পাৰি যে মানুহৰ জীৱনক সাৰ্থক কৰি তোলাত শিক্ষাই এক গুৰুত্বপূৰ্ণ ভূমিকা পালন কৰে। উদ্দেশ্যবিহীন জীৱনক উদ্দেশ্যপ্ৰণোদিত জীৱন দিয়াতো সহায় কৰে।
আজিকালি এটা নিৰ্দিষ্ট সময় আৰু আৱদ্ধ কোঠাত শিক্ষা গ্ৰহণ কৰি ছাত্ৰ-ছাত্ৰীসকলে প্ৰতিযোগিতাত মুগ্ধ হৈ নম্বৰ পোৱাৰ পিছতহে দৌৰিছে, উচ্চ নম্বৰৰ লোভত পাঠটোৰ অৰ্থ বুজিবলৈ চেষ্টা নকৰি কেৱল মুখস্থ কৰিবলৈ আৰম্ভ কৰা দেখা যায়। ছাত্ৰ-ছাত্ৰীৰ মগজুৰ বাবে ই ক্ষতিকাৰক হ'ব বুলি মই ভাবো। গতিকে শিক্ষাৰ প্রকৃত উদ্দেশ্য বুজি লোৱাটো অতি প্রয়োজন ৷
Post a Comment
0 Comments